अखेर ‘बुचाड’ लघुचित्रपटाने पुरस्कारावर मोहर उमटवली
आज नॅशनल कमुनिटी मेडिया फिल्म फेस्टिव्हल, तेलंगणा (आंध्रप्रदेश) मध्ये ‘बुचाड’ला सर्वोत्कृष्ट लघुपटाचा पुरस्कार  प्रदान करण्यात आला. हा पुरस्कार मी शेतकरी वेशात स्वीकारून अवकाळी अतिवृष्टीचा फटका बसलेल्या भारत देशातील तमाम शेतकऱ्यांना अर्पण केलाय.

दुःखाचे अनेक प्रकार असतात पण गेल्या शेकडो वर्षात न पाहिलेले आणि अनुभवलेले दुःख ‘बुचाड’ या लघुचित्रपटात मांडले आहे. शेतकऱ्यांची अव्यक्त भावना व्यक्त करण्याचा हा एक गडद प्रयत्न होता, स्क्रिनिंगच्या वेळेस सर्वांच्या डोळ्यात आलेले पाणी आणि आज मिळालेल्या पुरस्काराने ते अधोरेखित झालंय.

फिल्म फेस्टिव्हल मधील सर्व नामवंत परीक्षकांचे मनापासून आभार, बुचाड च्या निर्मिती प्रक्रियेत सहभाग नोंदवलेल्या प्रत्येकाचे आभार, इंगित प्रॉडक्शनच्या सर्व टीमचे आभार आणि आमच्या सोबत पुरस्कार प्राप्त झालेल्या सहविजेत्यांचे अभिनंदन.

या नविन क्षेत्रात टाकलेल्या पहिल्याच पाऊलाचा राष्ट्रीय स्तरावरील पुरस्काराने सन्मान झालाय. यातून मिळालेला आत्मविश्वास आणि उत्साह भविष्यात माझ्याकडून अजून दर्जेदार कलाकृती निर्माण करण्यासाठीचे कारण ठरेल. दोस्तांनो, आमचे कष्ट आणि तुमच्या शुभेच्छा फळास आल्या. धन्यवाद !

लेखक तथा दिग्दर्शक : विशाल विजय गरड
दिनांक : १३ फेब्रुवारी २०२१
स्थळ : झहीराबाद, तेलंगणा (आंध्रप्रदेश)